Vawiin July Ni 4 (Vawkhniakzawnthla) chawhma Dar 11:00 AM hian Lawngtlai Bawrhsap Pu Donny Lalruatsanga, District Election Officer chuan Special Intensive Revision (SIR) 2026 Enumeration Form atanga Draft Electoral Roll, 2026 siam zawh tak chu a tlangzarh.

He huna hian Electoral Registration Officers, Asst. Electoral Registration Officers, Political Party tin aiawh te leh NGOs atangin Representatives leh Officials dangte an tel.

DIPRO LAWNGTLAI PRESS RELEASE 118/ 2026-2027

LAWNGTLAI DISTRICT ELECTION OFFICER - IN SIR 2026 DRAFT ELECTORAL ROLL TLANGZARH | DRAFT ROLL - AH VOTE NEI - 90,699 AWMIN, MIPA AIIN HMEICHHIA VOTE NEI AN TAM ZAWK 

Lawngtlai, 4th July, 2026: Vawiin khan 'Special Intensive Revision (SIR) 2026 Draft Electoral Roll' tlangzarh inkhawm chu DC Conference Hall-ah neih a ni a. Pu Donny Lalruatsanga, District Election Officer ( DEO) chuan hmanpuiin 'Draft Electoral Roll' hi a tlangzarh. 

Pu Donny Lalruatsanga chuan kalkhawmte chibai bukna a nei hmasa a. SIR 2026 Draft Electoral Roll- tlangzarh theih a ni chu lawmawm a tih thu tarlangin, mawhphurhna neitute thawhrimna fakawm a tih thu a sawi a. SIR 2026-  kalpui a nih atangin Election Branch, EROs, AEROs, BLOs, BLAs leh Supervisors - te an thawkrim hle tih sawiin,  ram leh hnam tana theihtawp chhuah zel turin a fuih a. A bik takin BLO- te an thawkrim hle a, Enumeration Form sem leh Digitization - ah te an hah hle tiin, hun tiam chhunga hna an zawh kawngah an chungah lawmthu a sawi a ni. 

DEO chuan 'Draft Electoral Roll' a hming dahluh, paih leh siamthat ngaite tan 4th July - 4th August 2026 chhung hun  hawn a nih tur thu a sawi a. Ruahmanna angin September ni 6 ah 'Final Electoral Roll' tlangzarh a nih tur thu a tarlangin, Election Official- te theihtawp chhuah chhunzawm zel turin a chah a. Pu Donny Lalruatsanga chuan Lawngtlai District- in 'Electoral Roll' felfai, dik leh rintlak a neih theih nan a thawhpuiah  Political Party, NGOs, Kohhran, Chanchinbu mite leh Lawngtlai mipuite a sawm nghal bawk. 

Pu Collin Hlychho, Election Officer (EO) chuan 'Draft Electoral Roll' tlangzarh tak sawifiahna hun a nei a. Draft Electoral Roll - atanga a lan danin Lawngtlai District - ah Vote nei Mipa - 45,311; Hmeichhia - 45, 388 ; a vaiin Vote nei - 90, 699 an awm a ni. 36 - Tuichawng (ST) AC ah Vote- 36,300; awmin, 37 - Lawngtlai West (ST) AC ah Vote- 29,313 leh 38- Lawngtlai East - ah Vote nei - 25,086 an awm a, Assembly Constituency pathumah hian Service Voter - 223 an awm a ni. SIR 2026-  kalpui hma hian Lawngtlai District- ah Vote-  95,564 awmin, SIR 2026 Draft Roll- ah Vote- 90,699 awm thungin, Vote paih - 4,865 a awm a ni. 

Special Intensive Revision (SIR) 2026 Draft Electoral Roll- tlangzarh inkhawm hi Pu Collin Hlycho, Election Officer (EO) chuan kaihruaiin, EROs, AEROs, Political Party - aiawh,VC Association - aiawh,  NGOs aiawh leh MJA Lawngtlai te an tel thei a. Pu Lalhruaizela SDC chuan lawmthu sawiin hun a khar. 

Draft Electoral Rolls-  tlangzarh inkhawmah hian Political Party aiawh an tel kim vek thei a, Pu Donny Lalruatsanga chuan party aiawh lo kalte hnenah 'Draft Electoral Rolls'  copy khat theuh a hlan nghal a ni.

Written   by: Zonunchama Ralte, MIS, DIPRO -Lawngtlai,  Dated: 4th July, 2026